Written by 
Nadim Khaled
Maronite Seminarian
Translator
| Syriac Melody: | ܒܨܰܦܪܳܐ ܨܰܠܺܝ ܕܳܐܢܺܝܶܠ |
|---|---|
| Praise the Lord, all you nations. | ܫܰܒܰܚܘ ܠܡܳܪܝܳܐ ܟܽܠܟܘܽܢ ܥܰܡ̱̈ܡܶܐ |
| With the sweet fragrance of incense and the pleasant aroma of Myron, may [this] commemoration be for the faithful departed, | ܥܰܠ ܥܶܛܪܳܐ ܕܒܶܣ̈ܡܶܐ ܛܳܒ̈ܶܐ ܘܪܺܝܚܶܗ ܕܡܘܽܪܘܽܢ ܒܰܣܺܝܡܳܐ ܢܶܗܘܶܐ ܡܳܪܰܢ ܕܘܽܟܪܳܢܳܐ ܠܥܰܢܺܝ̈ܕܶܐ ܡܗܰܝ̈ܡܢܶܐ܀ |
| who ate your holy body in faith, drank your innocent blood and slept in your hope. | ܐܰܝܠܶܝܢ ܕܰܒܗܰܝܡܳܢܘܽܬܳܐ ܐܶܟܰܠܘ ܦܰܓܪܳܟ ܩܰܕܺܝܫܳܐ ܘܶܐܫܬܺܝܘ ܠܰܕܡܳܟ ܙܰܟܳܝܳܐ ܘܰܫܟܶܒܘ ܥܰܠ ܣܰܒܪܳܟ܀ |
| The just slept in faith in the hope of the resurrection, and are awaiting Christ to come and to give them their reward. | ܫܟܶܒܘ ܟܺܐܢ̈ܶܐ ܒܗܰܝܡܳܢܘܽܬܳܐ ܥܰܠ ܣܰܒܪܳܐ ܗܰܘ ܕܰܩܝܳܡܬܳܐ ܘܚܳܝܪܺܝܢ ܠܰܡܫܺܝܚܳܐ ܕܢܺܐܬܶܐ ܘܢܶܐܬܶܠ ܠܗܘܽܢ ܐܰܓܪܳܐ܀ |
| What eye has not seen, And ear of flesh has not heard, And has not entered the human heart (Is 6:3; 1 Cor 2:9) is the good thing they deserve. | ܡܶܕܶܡ ܕܥܰܝܢܳܐ ܠܳܐ ܚܙܳܬܶܗ ܘܶܐܕܢܳܐ ܕܒܶܣܪܳܐ ܠܳܐ ܫܡܰܥܬܶܗ ܘܥܰܠ ܠܶܒܳܐ ܕܐ̱ܢܳܫܳܐ ܠܳܐ ܣܠܶܩ ܛܘܽܒܳܐ ܕܫܳܘܶܝܢ ܠܶܗ܀ |
| We heard the Son saying, “At the moment when the dead hear the living voice of God, they will rise incorrupt” (Jn 5:25, 28): | ܫܡܰܥܢܳܝܗ̱ܝ ܠܰܒܪܳܐ ܟܰܕ ܐܳܡܰܪ ܕܰܒܫܳܥܬܳܐ ܕܫܳܡܥܺܝܢ ܡܺܝ̈ܬܶܐ ܩܳܠܶܗ ܚܰܝܳܐ ܕܰܐܠܳܗܳܐ ܩܳܝܡܺܝܢ ܕܠܳܐ ܚܒܳܠܳܐ܀ |
| those who did good things will be raised up to the new life, but those who did evil things will be raised up to judgment. | ܐܰܝܠܶܝܢ ܕܰܥܒܰܕܘ ܛܳܒ̈ܳܬܳܐ ܠܰܩܝܳܡܬܳܐ ܕܚܰܝ̈ܶܐ ܚ̈ܰܕܬܶܐ ܘܰܐܝܠܶܝܢ ܕܰܥܒܰܕܘ ܒܺܝ̈ܫܳܬܳܐ ܠܰܩܝܳܡܬܳܐ ܕܕܺܝܢܳܐ܀ |
| Isaac buried Abraham, crying and grieving him, for the resurrection was [still] concealed, and no one knew about it. | ܥܰܦܺܝ ܐܺܝܣܚܳܩ ܠܰܐܒܪܳܗܳܡ ܟܰܕ ܒܳܟܶܐ ܘܥܰܝܺܝܩܳܐ ܠܶܗ ܒܗܳܝ ܕܰܟܣܶܐ ܗ̱ܘܳܐ ܢܘܽܚܳܡܳܐ ܘܠܳܐ ܐ̱ܢܳܫ ܝܳܕܰܥ ܠܶܗ܀ |
| God revealed to Moses, spoke to him, and said, “The righteous and the just are alive in God.” | ܐܰܠܳܗܳܐ ܓܠܳܐ ܠܶܗ ܠܡܘܽܫܶܐ ܘܡܰܠܶܠ ܥܰܡܶܗ ܘܶܐܡܰܪ ܠܶܗ ܕܚ̈ܰܐܝܺܝܢ ܐܶܢܘܽܢ ܠܰܐܠܳܗܳܐ ܟܺܐܢ̈ܶܐ ܘܙܰܕܺܝ̈ܩܶܐ܀ |
| May the prayer of the Blessed Virgin be for us a wall of protection. Bless, my lord. | .ܨܠܘܽܬܳܗ̇ ܫܘܽܪܳܐ ܬܶܗܘܶܐ ܠܰܢ ܕܰܡܒܰܪܰܟܬܳܐ. ܒܰܪܶܟ ܡܳܪܝ |
| Who has seen the new ship bearing a valuable treasure sailing in a stormy sea, and abounding in treasure? | ܡܰܢܘܽ ܚܙܳܐ ܐܶܠܦܳܐ ܚܕܰܬܳܐ ܕܰܛܥܺܝܢܳܐ ܥܘܽܬܪܳܐ ܪܰܒܳܐ ܘܗܰܠܟܰܬ ܒܝܰܡܳܐ ܕܡܰܚ̈ܫܘܽܠܶܐ ܘܥܘܽܬܪܳܗ̇ ܐܶܬܝܰܬܰܪ܀ |
| Mary is that ship, and Christ the treasure within her. She walked in the world and gave mortals life. | ܡܰܪܝܰܡ ܗܺܝ ܐܺܝܬܶܝܗ̇ ܐܶܠܦܳܐ ܘܰܡܫܺܝܚܳܐ ܥܘܽܬܪܳܐ ܒܓܰܘܳܗ̇ ܘܗܰܠܟܰܬ ܒܥܳܠܡܳܐ ܘܝܶܗܒܰܬ ܗ̱ܘܳܬ ܚܰܝ̈ܶܐ ܠܡܳܝ̈ܘܽܬܶܐ܀ |
| Blessed ones, you were taken to be judged, but you perplexed the judges, cast down Satan, and defeated the evil one. | ܠܕܺܝܢܳܐ ܥܰܠܬܘܽܢ ܛܘܽܒ̈ܳܢܶܐ ܘܰܠܕܰܝ̈ܳܢܶܐ ܐܰܒܗܶܬܬܘܽܢ ܘܰܠܣܳܛܳܢܳܐ ܫܰܦܶܠܬܘܽܢ ܘܰܠܒܺܝܫܳܐ ܙܟܰܝܬܘܽܢ܀ |
| Like gold from a crucible, you came out from your afflictions. And behold, your commemoration is celebrated in heaven and on earth. | ܘܰܐܝܟ ܕܰܗܒܳܐ ܡܶܢ ܓܰܘ ܟܘܽܪܳܐ ܢܦܰܩܬܘܽܢ ܡܶܢ ܐܘܽܠܨܳܢ̈ܰܝܟܘܽܢ ܘܗܳܐ ܢܳܨܚܺܝܢ ܕܘܽܟܪ̈ܳܢܰܝܟܘܽܢ ܒܰܫ̈ܡܰܝܳܐ ܘܒܰܐܪܥܳܐ܀ |
| May the faithful departed rest in peace. Glory to you, Lord. Bless, my lord. | .ܢܝܳܚܳܐ ܠܥܰܢܺܝ̈ܕܶܐ ܡܗܰܝ̈ܡܢܶܐ ܘܠܳܟ ܡܳܪܝ ܫܘܽܒܚܳܐ. ܒܰܪܶܟ ܡܳܪܝ |
| The prophets and apostles who proclaimed the truth in the world, along with the holy martyrs who triumphed and were crowned, are [now] commemorated. | ܕܟܺܝܪܺܝܢ ܢܒܺܝ̈ܶܐ ܘܰܫܠܺܝ̈ܚܶܐ ܕܰܐܟܪܶܙܘ ܩܘܽܫܬܳܐ ܒܰܒܪܺܝܬܳܐ ܕܟܺܝܪܺܝܢ ܣܳܗ̈ܕܶܐ ܩܰܕܺܝ̈ܫܶܐ ܕܰܢܨܰܚܘ ܘܐܶܬܟܰܠܰܠܘ܀ |
| The Church with her children, and Mary, the Mother of God, along with all the departed who slept in your hope, are [now] commemorated. | ܕܟܺܝܪܳܐ ܥܺܕܬܳܐ ܥܰܡ ܝܰܠ̈ܕܶܝܗ̇ ܘܡܰܪܝܰܡ ܝܳܠܕܰܬ ܐܰܠܳܗܳܐ ܕܟܺܝܪܺܝܢ ܟܽܠܗܘܽܢ ܥܰܢܺܝ̈ܕܶܐ ܕܰܫܟܶܒܘ ܥܰܠ ܣܰܒܪܳܟ܀ |
Hear this hymn sung according to the tradition of the Maronite Church:
